Visita ao Culturgal co CEUXC da Universidade de Santiago


A pasada fin de semana, do 26 ao 28 de novembro, celebrouse CULTURGAL  2021 no Pazo da Cultura de Pontevedra.

Achegámonos ata a Feira convidados pola organización do Curso de Experto Universitario en Xestión Cultural, da Universidade de Santiago de Compostela, do que tivemos o pracer de formar parte na súa última edición (2020-2021).

Alí xa nos esperaban os titores Sergio, Ruth e D.Meizoso que, xunto coa compañeira Sara, foron os “guías turísticos” cos que os participantes no CEU percorremos os diferentes stands de librerías, editoriais ou mesmo de concellos e institucións públicas e privadas.

Tal e como se lembra dende a asociación “baixo o lema A cultura que toca Culturgal recupera en 2021 a parte feiral tras a pandemia. Ao redor do contacto e da participación estará o motor da feira 2021. Contacto entre creadores e público, entre profesionais, entre empresas e institucións. Por iso falamos dunha Culturgal coa cultura que toca: unha feira chea de estreas, artistas e autores, alianzas e grandes proxectos para 2022. De oportunidades e reflexións. Culturgal 2021 será un bo punto de encontro para imaxinar futuros desde o ámbito da cultura. É o que toca.

Culturgal está organizada pola asociación do mesmo nome, presidida por Víctor López e constituída en 2010 para dar continuidade e estabilidade a unha feira que arrancara de maneira exitosa en 2007. Forman parte de Culturgal as asociacións profesionais máis representativas do sector: Asociación Galega de Editores (AGE), Asociación Galega de Empresas de Artes Escénicas (Escena Galega), Asociación Galega de Empresas Musicais (AGEM), Empresas Galegas Adicadas a Internet e ás Novas Tecnoloxías (Eganet), Asociación Galega de Produtoras Independentes (Agapi)”.

Deja una respuesta

Tu dirección de correo electrónico no será publicada. Los campos obligatorios están marcados con *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies