Un ‘megalibro’ recompila a historia da Guarda

Un ateigado Centro Cultural da Guarda acolleu onte, martes 8 de maio, a presentación do ‘megalibro’ Na sombra do Trega, que estivo coordinado polo escritor e poeta Francisco Álvarez “Koki”, sendo editado pola Deputación de Pontevedra.

Precisamente, presentou o acto e deu a benvida, Xosé Leal Fariña, deputado de Cultura e Lingua, que estivo acompañado polo propio “Koki”, así como polo alcalde de A Guarda, Antonio Lomba e mesmo dous dos principais colaboradores desta publicación, os historiadores Joaquín Miguel Villa Álvarez e Xoán Martínez Tamuxe.

Puidemos saudar neste evento, igualmente -entre outros- ao xornalista Ricardo Rodríguez Vicente, compañeiro e coordinador de Infogauda e a Antonio Martínez Vicente, estudoso e colaborador tamén de Na sombra do Trega.

Este libro, case “enciclopedia” (preto de 2 kg de peso), está escrito tanto en castelán como en galego e consta de 300 páxinas con multitude de imaxes, tanto a toda cor como antigas, en branco e negro. Tal e como lembrou Tamuxe na súa intervención “quizais sexa un dos libros máis grandes publicados sobre a nosa turística, mariñeira e fermosa vila de A Guarda. Unha obra única ata agora, que pon en valor todo o rico e valiosísimo patrimonio da nosa vila do Trega”.

Joaquín Miguel Villa Álvarez e Xoán Martínez Tamuxe. (Fotos: J.R.)

Así, atopamos unha recompilación de máis de trinta interesantísimos e cruciais capítulos dedicados ao Castelo de Santa Cruz, á industria de As Cachadas, á Alameda, á Atalaia, ao patrimonio urbanístico de A Guarda, a Eliseo Alonso, ao Monte de Santa Trega, ás casas indianas, á arqueoloxía, ao deporte, á arte, á música da vila, etc, etc.

Para adquirir o libro ou para máis información, podedes contactar co departamento de Patrimonio do Concello de A Guarda (986 61 00 00)

Deja una respuesta

Tu dirección de correo electrónico no será publicada. Los campos obligatorios están marcados con *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies