O Rosal vence nos Premios “Galicia Parabéns”

Unha nova distinción vén xa, e nunca mellor dito, “en camiño” para O Rosal, que se une -por exemplo- á declaración de Ben de Interese Cultural ou o Premio Agader ao embelecemento do medio rural que teñen dende hai anos os Muíños do Folón e do Picón.

Pois hoxe mesmo, o Concello do Rosal vén de anunciar que acaba de ser proclamado o gañador dos premios Galicia Parabéns, convocados pola Axencia de Turismo de Galicia para distinguir as mellores iniciativas de embelecemento e recuperación do noso territorio.

Segundo se informa dende o ente municipal “o proxecto Acondicionamento do Camiño de Santiago e da explanada do horizonte no lugar de Portecelo, redactado pola rosaleira María Fandiño Iglesias, foi o proxecto mellor valorado polo xurado, acadando un premio de 400.000 €”. Entre outras melloras crearase unha zona de descanso en Portecelo e un miradoiro, con espazos de ocio para veciños, visitantes e -como non- para os propios peregrinos.

Como sabes, O Rosal conta cun tramo duns 3 km de costa, paralelo e inmediato ao mar, entre A Guarda e Oia, no que podemos atopar aparte dunha fermosa paisaxe, salinas romanas, e mesmo cruceiros, cruces e petos de ánimas.

Destacar o cruceiro de Portecelo, onde se representa a Virxe Peregrina. Tamén se pode observar neste Camiño ao seu paso por O Rosal un interesante conxunto de gravados rupestres da Época do Bronce situados no lugar de “Laxe do Lapón”.

Encravada en Sanxián tamén podemos admirar a capela de San Xulián (s. XIII). Diante dela atópase un cruceiro do ano 1573, que representa a Cristo e á Virxe en actitude orante.

Deja un comentario

Tu dirección de correo electrónico no será publicada. Los campos obligatorios están marcados con *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies