A produción de sal na costa da Guarda e Viana

O pasado venres 29 de marzo asistín en A Guarda (Pontevedra) ao Encontro Monográfico do Consello da Cultura Galega: “Produción de sal entre a protohistoria e a antigüidade na costa da Guarda e Viana do Castelo“.

Brais en 2009, nas inmediacións da Praia do Muíño (A Guarda)

Abriu o acto o alcalde da Guarda, Antonio Lomba, xunto con Rebeca Blanco-Rotea, coordinadora da Sección de Patrimonio e Bens Culturais do Consello da Cultura Galega. Seguidamente, o amigo historiador Brais Currás falou dos resultados do proxecto Mar de Sal e do estudo das paisaxes da sal na Antigüidade.

 

Pola súa banda, a arqueóloga Mar Cortegoso tratou das intervencións nas salinas de Oia e O Seixal, para xa pechar o acto Miguel Costa e Tiago Brochado, tamén arqueólogos, da Cámara Municipal de Viana do Castelo.

Tal e como se pode ler na web da vila do Trega “O sal desempeñou un papel de grande importancia na economía da Antigüidade. Con usos domésticos, simbólicos e médicos de todo tipo, foi sobre todo un compoñente fundamental na industria de salgadura, tanto no comercio de peixe salgado como na preparación de prebes. Ao longo das dúas últimas décadas, o avance da investigación arqueolóxica permitiu documentar un importante conxunto de explotación do sal ao longo da costa da antiga Gallaecia”.

P.D.: Bicos e apertas dende aquí para a miña querida amiga Raquel, pois logo de moitos anos sen vernos, puidemos neste acto reencontrarnos, por fin, en persoa. 😘

Deja una respuesta

Tu dirección de correo electrónico no será publicada. Los campos obligatorios están marcados con *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies