Un percorrido máxico polos Muíños do Folón

 

Onte, xoves 22 de febreiro, presentouse nos incomparables xardíns da Casa da Pintora en O Rosal, a 1ª edición do Trail Adventure Muíños do Folón, unha proba deportivo-cultural que se disputará o domingo 4 de marzo e á que xa confirmaron asistencia máis de 300 participantes. O peche das inscricións (que se poden facer vía internet ou de forma presencial no MEGA Sport Center-Ximnasio Excalibur) será o vindeiro mércores 28 de febreiro.

Foto: Gustavo Jurado

O acto, no que tiven o pracer de dar a benvida e de lembrar que “esta proba é un verdadeiro paseo/carreira polo Paraíso“, contou coa presenza -entre outros- da alcaldesa de O Rosal, Mª del Carmen Alonso, o delegado de Deportes da Xunta de Galicia en Pontevedra, Daniel Benavides, ou mesmo o Director do Trail, Serafín Martínez Acevedo.

Foto: Gustavo Jurado

Nesta presentación fíxose fincapé nas tres modalidades existentes, unha proba de 21 km (Advance), outra de 12 km (Adventure) e a Andaina (10 km). A Organización recalca que só poderán participar 400 persoas como máximo, quedando nestes intres 61 prazas para a Advance, 50 prazas para a Adventure e tan só 33 libres para a Andaina.

¡Dende aquí anímovos a que vos apuntedes a correr ou pasear, pero que non vos perdades, a bo seguro, o Trail máis fermoso de Galicia, un máxico percorrido pola nosa vila rosaleira e pola idílica ruta dos 67 Muíños do Folón e Picón!

Deja un comentario

Tu dirección de correo electrónico no será publicada. Los campos obligatorios están marcados con *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies