Obradoiro de Antón Rivero e Víctor F. Freixanes

Segundo informa a Asociación de Escritoras/es en Lingua Galega -da que, como sabedes, son membro dende 2008- celebrarase un obradoiro de creación literaria “As historias no espello” no Auditorio de Rianxo (A Coruña), a cargo de Antón Rivero Coello e cunha sesión maxistral de Víctor F. Freixanes

Segundo a Asociación, “o obradoiro enmárcase na Escola de Escritoras e Escritores da AELG, iniciativa que centra os seus esforzos en impartir, por concellos de todo o país, obradoiros con formatos e destinatarios diversos, nos que se abordan diferentes xéneros literarios e contidos.

Trátase dunha iniciativa que, cos autores/as como guías, ten o obxectivo de transmitir a experiencia apaixonante do acto creador, tentando concienciar á sociedade do imprescindíbel que é a estimulación creativa na escrita e o seu papel complementario na formación do individuo. O proxecto aposta por ofrecer á mocidade un sistema lingüístico, literario e cultural propio no que asentar as súas raíces”.

A inscrición é gratuíta e ata o 7 de setembro. Máis info no teléfono 981 100 688 (concellaría de Cultura de Rianxo).

Deja una respuesta

Tu dirección de correo electrónico no será publicada.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies