O Rosal dá a benvida á 2ª Feira do Mirabel 2018

Boas a todos/as, que tal!

Tras o éxito do pasado ano, a II edición da Feira do Mirabel celebrarase na parroquia de San Miguel de Tabagón (O Rosal) o vindeiro domingo 29 de xullo.

Velaquí vos deixo o seu programa de actividades:

10:00 horas. ANDAINA “SAN MIGUEL-EIRAS”. 

A saída realizarase dende o Mercado de San Miguel, cunha duración de 2 horas aproximadamente. A dificultade: doada.

Ao igual que en 2017, terei o pracer de guiar esta Andaina -cun novo percorrido- onde se visitarán fincas de cultivo de mirabel, o obradoiro Rosabeles e haberá degustación especial do mirabel na Abadía das Eiras.

Ao finalizar, no Mercado de San Miguel, sortearase entre os participantes uns lotes de mirabeis. Para participar na Andaina é preciso inscribirse nas oficinas do Concello do Rosal ata o 24 de xullo (prezo: 4,5€/persoa). ATENCIÓN: amplíase o prazo de inscrición ata o venres 27 de xullo ás 14:00 horas.

12:30 h PRESENTACIÓN E APERTURA DA II FEIRA DO MIRABEL

Degustación de mirabeis e produtos derivados. Elaboración e degustación de cócteles con mirabel. Música en directo con SonGodin´s.

17:00 h CONCURSO DE TARTAS DE MIRABEL

18.30 DESFILE INFANTIL

14:00 h XANTAR no entorno da Feira cun menú popular a 10 e 12 €. Con cada menú entregarase un número para un sorteo de produtos ao final da Feira.

Participación das adegas de autor do Rosal: Xesteiro, Terra 1537 e Pateira.

MÚSICA con Airiños de San Miguel

Integrantes da Organización da Feira inaugural (2017)

19.30 DESFILE DE ADULTOS. Elección de Miss e Míster Mirabel. Bases e inscricións no comercio local (ACOR O Rosal).

21.00 h MÚSICA EN DIRECTO con Pro&Ma 

DURANTE TODO O DÍA. Inchable acuático para todas as idades. Degustacións e venda da froita, plantas e produtos elaborados con mirabel.

Máis información da II Feira do Mirabel no Concello do Rosal (986 62 50 00).

Deja un comentario

Tu dirección de correo electrónico no será publicada. Los campos obligatorios están marcados con *