“O Cabaqueiro”, testemuña da cultura romana

Cabaqueiros e autoridades municipais, coa pregoeira de 2018, Alia Vázquez

Tal e como se pode ler na web do Concello do Rosal, esta vila baixomiñota volveu a lembrar e homenaxear aos “Cabaqueiros” (telleiros/telleireiros).

Este 2018 celebrouse a XXXI edición da súa Festa, onde os vellos mestres cabaqueiros desplegaron na Praza do Calvario toda a súa arte de “taxicar cabacas e toupos a joucha” (facer tellas e ladrillos a man). Non en van, hai que lembrar que os telleiros de O Rosal e A Guarda tiñan unha grande fama de traballadores, estando considerados aínda como os “herdeiros dos ceramistas romanos” en palabras do historiador Xoán Martínez Tamuxe.

Como curiosidade déixovos o “alegato final” de Rafael Vicente Fernández (enxeñeiro de Camiños, Canais e Portos nado en O Rosal no 1958) que foi o pregoeiro da Festa do Cabaqueiro 2017 e que se recolle na Memoria publicada anualmente.

Di así: “Os cabaqueiros sabían facer as cousas. Foron criando unha cultura do traballo que pasada polo cribo do tempo, foi de moito proveito para os profesionais da nosa xeración. Posiblemente este talento que hai nesta zona para o traballo na construción se forxara, en parte, naquelas telleiras nas que traballaron en condicións moi duras tantos rosaleiros e deron xeito a esa cultura de responsabilidade, compromiso e colaboración, que tan ben nos veu. Por iso temos tanto que recoñecerlles a todos eles. Non provimos da nada, vimos dun saber facer centenario, mellorado co paso das tempadas e que chegou vivo, e activo, ata a xeración anterior á nosa. Temos que estarlles moi AGRADECIDOS porque os seus sacrificios deron froito”.

Con esta pequena entrada na miña web, tan só quero agradecer a cantos axudan e colaboran na organización da tradicional Festa en recordo deste singular oficio, hoxe -coa industrialización- desaparecido. Sen embargo, iso si, cada 12 de outubro dende hai 31 anos, os telleiros guardeses e rosaleiros bríndannos a oportunidade de ver  en directo como era ese duro “lasqueo” e de admiralos como antano “en plena acción”. 

Deja un comentario

Tu dirección de correo electrónico no será publicada. Los campos obligatorios están marcados con *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies