Noé Cortiñas e o footgolf galego “Road to Japan”

Información e fotografías: Asociación Galega de Footgolf / N.C.

O deportista rosaleiro Noé Cortiñas Brey será convocado o 27 e 28 de febreiro pola Selección Española de Footgolf* para preparar o vindeiro Mundial que se celebrará en Xapón en 2021 (Road To Japan).

Noé Cortiñas Brey, como lembramos en Noticias O Rosal, ten a honra de ser o primeiro xogador galego que é chamado polo combinado nacional.

Uns 500 “FootGolfers” de máis de 30 países reuniranse do 22 de setembro ao 3 de outubro de 2021 na cidade de Sakura, prefectura de Tochigi, para determinar ao número 1 do Mundo.

*Que é o footgolf? “Trátase dun deporte que consiste na fusión do fútbol e do golf onde os xogadores golpean un balón de fútbol para introducilo nos buratos no menor número de golpes posible. Foi creado en Holanda no 2009. Xogáronse tres mundiais, en Hungría 2012, Arxentina 2016 e Marruecos 2018“.