Galicia Viva (TVG) nos Muíños do Folón (O Rosal)
¡Moi boas a todos/as! ¿Que tal? ¿Como foi o primeiro mes de 2018? ¡Espero que ben!
Hoxe comeza febreiro e aproveito para publicar de novo na web, que xa facía tempo…
Déixovos o enlace ao programa “Galicia Viva” que estivo recentemente gravando nos Muíños do Folón e do Picón. O xornalista Emilio Guillín xunto co seu cámara, Marcos (arriba, na imaxe) achegáronse ata O Rosal para descubrir aos seus telespectadores esta idílica paraxe baixomiñota.
Novamente, un pracer colaborar en forma de entrevista coa Televisión de Galicia e sobre todo agradecido ao Concello do Rosal por seguir contando comigo para investigar, amosar e promocionar este noso espectacular conxunto de 67 muíños hidráulicos, en verdade, único no mundo.
