Escavacións no “Cuncheiro” do Monte Trega

Hai uns días achegámonos ata A Guarda para asistir, como convidados, á finalización dos traballos de escavación do Cuncheiro do Monte Trega.

Un pracer coincidir aquí, despois de moito tempo, co amigo Antón Ferreira, correspondente de Atlántico Diario, con Jesús G. Bastida, da revista COUSAS DE ou mesmo con Jorge Alonso Daldea, do departamento de prensa guardés.

O alcalde de A Guarda, Antonio Lomba, xunto cos concelleiros Xavier Crespo e Montse Magallanes estiveron presentes nesta clausura das tarefas arqueolóxicas dirixidas polo querido compañeiro Brais X. Currás, da Universidade de Coimbra (CEAACP).

Segundo se lembra dende a web municipal “o proxecto de escavación foi executado polos arqueólogos da empresa Terra Arqueos, mentres que para o estudo do material do cuncheiro contarase co grupo de investigación en zooarqueoloxía da Universidade de León con Carlos Fernández Rodríguez á fronte, e máis co Grupo de Investigación en Arqueobiología do CSIC, con Marta Moreno“.

Lémbrase que “xunto á porta de entrada no castro do Monte Trega desde o sur consérvanse os restos dun antigo cuncheiro, un espazo onde os habitantes do poboado botaban os restos da súa produción.

Composto fundamentalmente por cunchas, conserva tamén restos de osos e espiñas de peixe, e tamén outras evidencias como restos cerámicos ou metálicos e calquera outro tipo de refugallo. As condicións artificiais que crea o propio cuncheiro, máis favorables que o chan ácido do substrato granítico, permiten que eventualmente se poidan conservar tamén outro tipo de restos como pode ser, por exemplo, a madeira.

A execución do proxecto permitiu levar a cabo a limpeza da vexetación da porta sur do castro do Monte Trega, a realización dunha sondaxe arqueolóxica, un estudo da arqueofauna, o levantamento fotogramétrico das estruturas escavadas e a instalación de paneis informativos”.

Toda a información, aquí.

Deja un comentario

Tu dirección de correo electrónico no será publicada. Los campos obligatorios están marcados con *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies