As Letras Galegas na Guarda logo de Beti Rey

O Centro Cultural da Guarda acolle este venres 31 de maio a partir das 21:00 horas, “a tradicional homenaxe que a Agrupación Cultural Guardesa lle rende cada ano, polas Letras Galegas, a un persoeiro destacado da nosa vila pola súa contribución á nosa cultura”.

Tal e como se lembra dende Cultura A Guarda, e tras o recoñecemento á xornalista Beti Rey en 2018, “o homenaxeado deste ano é José Luis Rodríguez Álvarez, gran estudoso do traxe galego con ampla traxectoria na recuperación desta tradición, fundador das Asociacións do Traxe Tradicional de Pontevedra e da Asociación Etnográfica Sete Espadelas, entre outros méritos”.

Falará deste persoeiro David Quiñones Vázquez, actuando durante o evento o Grupo de Pandeiretas da A.C.G., dirixido pola mestra rosaleira Berta Castro. Así mesmo, o Grupo Antorcha de Mª José Baz e a Coral Polifónica da Guarda que dirixe Rosa González.