Artigos sobre A Guarda-O Rosal en “Cousas de”
Boas! Que tal!
Como moit@s sabedes, na recentemente celebrada XXVI Feira do Viño do Rosal, presentouse un novo número da revista COUSAS DE Baixo Miño.
A publicación (ano 3 / nº 8) corresponde ao verán deste 2018 e ten como foto de portada unha fermosa vista do río Miño dende o patio da catedral de Tui.
Desta vez, como redactor da revista COUSAS DE Baixo Miño, foime encargada a realización de dous sendos artigos sobre a Agrupación Musical do Rosal e a Asociación Piueiro de A Guarda.
O primeiro, pois, titulado: “Tres décadas de historia da Agrupación Musical do Rosal” (páxinas 12-13, foto principal de Brais Martínez Villa) que inclúe unha entrevista ao presidente Iván Diego Martínez e o segundo: “A Guarda acollerá do 11 ao 14 de xullo de 2019 a XIV edición do Encontro de Embarcacións Tradicionais” (páxinas 16-17).
