A nova revista “COUSAS DE” preséntase en Baiona

A pasada semana achegámonos ata o Parador de Baiona (Pontevedra) para asistir á presentación da nova revista COUSAS DE, na que teño a honra de seguir como redactor e participar co meu artigo-reportaxe “O Rosal presume da súa monumental igrexa de Santa Mariña e do seu artístico retablo barroco” (páxinas 18-21).

Como saberás, publicábase trimestralmente tanto en Val Miñor como no Baixo Miño. Pois ben, a partir de agora, cunha renovada e soa revista, ademais dunha aplicación para móbil, cubrirase o Sur da provincia.

Destacar a intervención de Carlos Méixome, ex director do IEM, quen realizou un interesante percorrido polos xornais e revistas dende o século XX ata os nosos días, facendo fincapé na calidade da maqueta, imaxes, contidos e textos en xeral das colaboracións que conforman esta nova COUSAS DE. 

Un pracer acompañar neste histórico evento ao seu grande artífice, Jesús G. Bastida, editor e director da publicación, quen confesaba, como dicimos, que “o proxecto COUSAS DE nace coa vontade de crear unha plataforma mixta de comunicación que contribúa a difundir principalmente, todo o que de bo se fai no social e cultural, no sur da provincia de Pontevedra“.

Fotografías da presentación realizadas por Homeclaro TV 😉

Deja un comentario

Tu dirección de correo electrónico no será publicada. Los campos obligatorios están marcados con *